Arsenal enkawl tur hian amah aia tha tunge awm chuang?
Kum 15 chhung zet Arsenal manager ni a, Arsenal F.C history a manager ni rei ber record siam khawp a manager ropui, tha leh rinawm, kan pu Arsene Wenger kan nei hi a lawmawm khawp mai. Ama mimal history kan hre theuh anga, football player a nih lai chuan player ropui tak chu a ni hauh lo, mahse manager ropui tak a ni tih chu kan club supporters chauh ni lo, club dang fans te pawhin an hrechiang hle awm e.
Season 6 chhung zet kan club chuan no mawi kan chawi ta lo a, season 6 chhung hian kan team te hian hun harsa tak leh hrehawm tak an tuar a, football in a ken tel inhliam leh neuh neuh hrang hrang te hian kan player te hun pawimawh ah a bawhbuai in a duhsak bik emaw tih theih tur khawpin an chungah vanduaina hi a thleng zingin, mamawh hun lai takin chhawr theih lovin an awm leh thin a. Mahse kan chhiat ber lai pawh a rinawm taka min enkawl thin tu kan pu Arsene Wenger avang hian mualpho lutuk lovin kan awm leh hlauh thin a. Manager dang ten heng hun harsa tak kan tawn chhoh lai hian kan team hi min lo enkawl ta se kan pu Wenger-a’n min thlen pui phak ang hi kan thleng pha kher thin in a rinawm loh.
Season 6 no mawi kan chawi loh chhung hian Champions League erawh kan khel pha ziah thung a. Club dang lo thlir ta ila, kan player quality ang nei ve tho Liverpool ang te hi manager tha an neih ve loh avangin Champions League pawh khel pha lovin season 3 vel chu an lo awm tawh a. Keini erawh chu kan dinhmun chhiat ber lai pawhin UCL erawh hi chu kan khel pha ziah thung.
Player lei chungchangah kan pu Wenger hi mi tam tak hian an mawhpuh thin a. Hei hi thil ngaihtuah chian ngai tak pakhat chu a ni. Player tha chu an man a to ang bawkin an hlawh hi a tam tlangpui thin a, an man bituk zatin lo lei ngam ta pawh ni ila an hlawh phut a san viau chuan an level pui anga ngaih theih dang hlawh tlem zawk an zawng mai thin. Hei hi kan pu thil kalpui dan niin a hriat. Kan club shareholder Kroenke leh Uzmanov te khan player lei chungchangah Wenger an puh lo, Board of Directors ho anih kha an puh. Kan hriat theuh angin player naupang a lei nasa a, player naupang ‘promising’ tak tak te pawhin club tha rau rau ah kan club ah an khel chakin an lut leh mai zel. Hei hi tun hma atanga kan pu in alo kal pui dan a ni a, player ropui tak tak pawh a chherchhuak nual tawh.
Tunhnai kum 5 chhung velin nasa takin football khawvelah sum in lalna a chang a. Player te pawhin hei hi hria in anmahni tawkah tanghma an ngai ve hle mai. An level pui ni a an hriat te aia hlawhtlem nia an inhriat chuan club ah lungawi lovin hmun dang an melh mai thin. Mahse player rinawm leh mahni club hmangaih tak te erawh chu hetiang sum leng vel hian a tibuai ve tehchiam lo. Kan club legend ho kha han ngaihtuah let ta ila, an hunlai chuan anmahni position ah chuan zahpuiawm loh thah an ni a, mahse club ah an rinawm a, anmahni pawh an zahawmin fans te pawhin kan zah hlawm hle a nih
kha.
2011-12 season kan han tan a, pre-season ah ropui takin kan khel lova, tin season tan naah Newcastle United nen kan in draw a, home ah Liverpool kan hneh lo leh bawk a. Mi tam tak chuan Arsene Wenger an mawhpuh vek in a rinawm. Mahse kei chu rinna kan pu ah ka la nghat tlat. Sir Alex Ferguson kan hria, a record thatzia pawh kan hria, mahse a hlawhtlinna hmahruaitu chu hlawhchhamna tho a ni. Kan pu thil kalpui dan hi a tha in a fel vek biklo, mahse a ni aia kan club Arsenal han enkawl tur hian tunge tling a, tunge lo lut mai thei tur an awm em tih hi ngaihtuah ila. Khawvelah manager tha tak tak leh ropui tak tak an tam, mahse Arsenal KHER enkawl tur hi chuan kan pu tluk a tha hi an awm in ka hre lo.
Arsenal Supporters Trust in heti khawp a Arsene Wenger an la rin nachhan hi enge ni ang aw? Kum 50 chuang Arsenal lo tan tawh tu te an ni hlawm, tin, kan manager ropui George Graham manager a nih hunlai hre pha deuh vek an ni. George Graham aiin Arsene Wenger hi a ropui zawk ni a ngai tam tak an awm bawk. League title 3, FA Cup 4 leh Community Shield 4 min lakpui thei a nihna hian kan pu Wenger hi pa namai lo tak a ni tih a hriat.
Kan pu hi Economist a ni. M.A (Economic) zo tawh chin hi chu an dan a danzia kan hrechiang awm e. Football nen a in kaihhnawihlo niin in ngai maithei, mahse Economist ho chu football a ni emaw, nilo emaw an eizawnna eng ah pawh hian an rilru puthmang hi an thlak ve mai mai ngai lo. 1996 ah chuan khawvel a club hausa tehna ah parukna kan ni. Tunah chuan pathumna kan ni tawh. Sum a ren, player a lei to ngam lo tih kan hria a. Arab mi a hovin sum an hmang nasa in player to tak tak in an lei a, hlawh sang tak an pe a, mahse hetiang ang ti ve ngai lo pu kan nei hi a ropui thlawt! Kan pu dinhmun angah hian ding angin han in ngai ta theuh ila, a harsa chu kan ti tlang ve mai lo’ng maw? Pu Arsene Wenger lo hi chu kan club hian manager dang a mamawh rih lo tun dinhmunah chuan.
IN ARSENE I TRUST, IN GUNNERS I BELONG!! LONG LIVE ARSENE WENGER!
arsenalmizoram 