Work Permit bih chian nel nual na!

Arsenal leh club dang te pawh player lak thar chungchangah hian “Work permit a la hmu thei lo” tih te hi kan hre fo mai. Work permit an hmuh loh vanga loan a ram danga chhuak te pawh an awm nual thin. Hemi chungchangah hian sawi tur a tam a, hriatchian tur pawh a awm nual. Kim lo viau mahse midang ziak hrang hrang ka chhiar atanga ka hriatthiam ve danin ka’n thai kawi ve mai mai ange.

Footballer kum 16 aia upa, European Union leh UK a mi ni lo te tan hian European club a football khel tur hian a tlangpuiin work permit a ngai thin. Ram thenkhatah pawh work permit hi ngai ve tho mahse, UK ah hian a khirh bik a tih theih awm e. Club te hian Home Office ah work pemit dilna hi an thehlut thin a ni. Kan club tan ber pawh UK a awm a nih avangin UK bik hi han bih chiang ila.

Work permit hi European Union leh UK mi ni lo ram dang player, talent leh calibre nei tha tak tak, United Kingdom a football hmasawn nan a level sang bera thawh hlawk thei tura rin te hnenah pek a ni thin. (Entir nan: England leh Scotland a Premier League leh Football League te, Welsh Premier League leh Irish Premier League te)

Work permit nei tur chuan

• Work permit dil ni atanga chhiara kum hnih liam ta chhungin player chu ram tana khel thei tura thlan theih a nihin, an ramin competitive ‘A’ team match an khelh zawng zawng zinga 75% ah a lo khel tawh tur a ni.

Entir nan: 1^st July,2012 ah work permit lo apply ta se, kum hnih liam ta i.e, 1^st July 2010-2012 a an ramin competitive ‘A’ team match a khelh zawng zawng chhuta 75% a khel tur a ni.

• Player khelhna ram chu FIFA world ranking ah kum hnih liam ta (e.g:2010-2012) chhung chuan average a lakin an position chu 70 na emaw a chunglam a ni tur a ni.

 

Competitive matches

Competitive ‘A’ team international match a chhiar te chu:

• World Cup Finals game;
• World Cup Qualifying group game; and
• Football Association confederation tournament game, entir nan:
  • The FIFA Confederations Cup;
  • The UEFA European Championships and Qualifiers;
  • The African Cup of Nations and Qualifiers;
  • The Asia Nations Cup leh Qualifiers;
  • The CONCACAF Gold Cup;
  • The CONCACAF The Copa Caribe;
  • The CONMEBOL Copa America;
  • The OFC Nations Cup leh
  • The UNCAF Nations Cup

 

Application theh luh hma hian club te chuan player in a hma kum hnih a ram tana competitive ‘A’ match a lo khelh tawhna entirna written comfirmation chu an thehluh a ngai a. He written confirmation hi player ram Football Association hnen atangin an la tur a ni.

Hetiang  tehkhawnga tling lo te hi chu ‘special talent’ work permit an la dil thei tho a ni.

Messi A Nung Chungin! – Muana Chhangte

A nung chunga thlalak pui duh viau mah ila a rem si lo !

                   Keini ang thu leh hla lam a mikhual lutuk tan chuan engtia han tan tur nge tih pawh hriatthiam har tak a ni,ka vawikhatna a ni tih min lo hriatpui ve hrim hrim teh u. A sarhu lai a han thai kual ve ngei tha in ka hre bawk sia, chuta karah tu emaw in min lo tur ve sek nen, kan seh chilh ve nawk nawk mai a ni  ang chu.

                   Tun kum kum tir January thla ni ta in ka hria,India ram a chanchinbu darh zau leh rintlak tak The Times Of India chuan, kum tawp lamah khawvel huap pawh a team langsar leh tha Kolkata ah ngei an inkhel kan hmu thei dawn niin a rawn tarlang a. Manchester United emaw Real Madrid emaw an ni mai thei tih leh engmah chiang a la awm lo nangin India ram football a thuneitu sang ten theih tawp an chhuah dawn a ni tih kan hmu a, kan phur ve hle ringawt mai ani. Hun a lo kal zel a football chanchin aiin Cricket chanchin kan hre hnem tawlh tawlh a, India ICC World Cup ah kan lo Champion ve bawk nen,mahni tawk a football lo ruihchilh ve em em tu tan cuan ninawm tak a ni!

                   Tin heti hi ani a, kan ram a chumi khami chu kan ti dawn, kan sem dawn ti a an au dum dum lai leh An thusawi ri thangkhawk pawk a reh hma hauh a zuzi leh thin ta mai ang lo deuh hian vai ho hian thu an lo tiam satliah ve mai mai lo a ni tih chu a tak in kan hmu chho tan dawn ni in a lang! Hei zet hi zawng pui tak a ni pui tak! A ni, chhia leh tha pawh kan hriat hma hauh a, kan nu leh pa ten an lo tlaivar pui a Mizoram lo au tir thin tu, Argentina team kha a nung chung a an inkhel hmuh theihna chance kan nei dawn tlat! Celebrity Management Group(CMG), FIFA leh AIFF leh Times Of India tangkawp in Argentina Football team India leilung ah a vawikhat nan International friendly match, chutah pawh lehkha zir a kan lo in lak tlangnel ve em em na Kolkata ah an rawn hnuk lut dawn a nih chu! An squad tur thlengin an rawn tarlang ta deuh deuh, khai mah aw:
Lionel Messi (captain), Gonzalo Higuain, Sergio Agüero, Lisandro López, Sergio Romero, Luis Gonzalez, Ángel Di Maria, Javier Mascherano, Ever Banega, Eduardo Salvio, Martin Demichelis, Federico Fernandez, Ricardo Álvarez, Nicolás Burdisso, Mariano Andujar, Ezequiel Garay, Fabian Rinaudo, Nicolas Otamendi, Pablo Zabaleta, Jonas Gutierrez, Javier Pastore, Cristian Ansaldi Nicolas Pareja, Marcos Rojo, Jose Sosa, Esteban Andrada. (hriat ve mai mai atan heng player te field a kai chhuak tur hian slum naupang pali an thlang chhuak,an va vannei em!)

                   Han en mah teh u, hmelhriat an tam dan atang khian phur loh chu har tak a ni (min hre ve kher lo mahse). Tin, he match hi International Friendly a nih dawn avangin an ti mai mai dawn lo tih chu chiang sa, World Cup squad tur leh FIFA ranking lam a an dinhmun khawih thei a ni tlat! 2007 nge 2008 ka chiang chiah tawh lo, Bayern Munich leh Mohun Bagan inkhel kha kan va en ve bawk a, Oliver Kahn farewell match a ni bawk nen, kan hmaih phal lo hrim hrim. A hlu a, a ropui. Mahse hmuhnawm tak a ni lo tih chu in hriatthiam mai ka ring. Mohun Bagan leh Bayern Munich zawng an lo la inthlau deuh a ni!

                   Tun tum zet zawng kan beisei sang khawp mai, a hmuhnawm loh theihna chance chu tlem tak ani. Mizoram atang pawhin en tum tam tak an awm thu te kan han hre nawk nawk a,kan nghakhlel tlang bawk a ni. Argentina Maradona te ram ani miau a,tin MAGICIAN MESSI a nung chungin kan hmu dawn. Chu mai a ni lo, a ei zawnna, a lar chhuahna, khawvel a footballer tha te lawmman dawn thin ang zawng zawng dawng thei tur a Pathian in talent a pek MESSI field chhung ah football khel in a tal dawn a nih chu! A hun 2nd sept 2011,a hmun Salt Lake Stadium zan dar 7.

                   Aw le, a game ah in lut dawn teh ang. Field chhung game ni lovin, stadium luh theihna tur a kan game khelh mawlh mai kha. Zan dar sarih a inkhel tan tur an nih avangin kal hma ila tiin tlai dar 3 ah kan che phei ve a, kan awm na atangin Stadium hi Km 15-17 vel ni in ka hria, hma kan in ti khop mai.thui fe kan tlan hnu chuan kan lo hma aw kawng lo mai tih kan hmu thiam tan. Kan hriatthiam theih dan turin, Aizawl Chanmari veng leh Zodin Cinema Hall in kar ang chen vel zet a thui Stadium lam pan tur motor kan in tlar put mai anih chu,rilru a hah duh khawp mai! Traffic a jam rei si “Ka hmanhmawh e mai, ke in ka lo va kal mai ange” tih awl tak tur a ni. Engtin tin emaw stadium bul hnai kan thleng ta,mihring han tam a han tam zia chu! Security an uluk si, gate a luh dawn in an check uluk lutuk a, hun in min daih dawn lo!

                   A eng a pawh chu ni se kan in tlar ve tho a ngai hrim hrim. In tlar zinga a ding hnuhnung ber awmna pawh hmuh phak a ni lo! En hman loh hlau ta na na na chu trick hai dan zawn a ngai ta,hnung lam pan a kan kal mek lai chuan, gate leh a in tlar hnuhnung ber inkar a chanve vel ah chuan kan thian te an lo inzep chu niin. Plan Q apply a ngai ta, kan chibai ang lawp lawp a, thil tul lo deuh deuh zawh pahin kan in tlar chhunzawm chu a ni ve nghal ti tih mai a! A hnung lam atang a vai ho lo au ri leh min rawn ankhum vak vak te kha ka ngaihven phal tawh lo reng reng! Thil neuh neuh zuar pawh an hlawk ngawt ang ka ti, khami ni khan hmai chei rang tur te, Argentina Flag zuar te, Muri, Badam, Patties leh thil dang dang zuar a au thler duai duai kha chhiar sen pawh an ni meuh lo!

Arsenal thi awrh chungin hmai ka chei!

                   Kei lah ta pek hi phur fal thei em em mai ka lo ni bawk nen,ka hmai chu a pumin kan cheirang tir ta alawm maw le (Argentina flag rawngin)! Thlalak pui tu pawh ka ngah phian, min nuih tet tet tu pawh an tam in ka hria! Khua a tlai zel a, hunin min daih dawn tawh lo takngial, ka hmanhmawh ang tluk zetin vai a sing tel teh meuh chu an hmanhmawh ngang mai. Dar 7 pm a inkhel tan tur an ni si, 6:45 pm ah pawh kan la thleng tawi lutuk.Vai ho thin in a tuar ta lo,bawhhuk policy an apply ta mai, gate lam panin an tlan hul hul ta, keini kan tlan ve bawk. Kan nula kalpui te ven ngai bawk, kan wallet leh camera tih vel ven ngai bawk,hmai chei rang nen,ruah a tla cherh cherh bawk si bei hi a va dawng hman teuh em! Kan in nek buaina lam ah khan lirthei engzat tak in tuar ang mo,an bike dah te kha kan pal thlu pawp pawp tawh mai a ni! Hah tawkin thei leh thei loin gate pui bul kan va thleng, a lo awlsam aw kawng lo. Police ho an lo au tuarh tuarh a,an tiang tha chi nen an lo vai pawp pawp, kan nula hruai te an te chel chul bawk si, rilru ka siam fel ta. He inkhel hi engti kawng mahin kan en thei dawn lo hrim hrim, tih ngaihna a awm tawh lo tih hi ani!

Bawk vak lut thei hram e!

                   Beidawng em em a kan awm lai chuan,luh ruk na tur tha deuh ka hmu chhuak tlat. Mahse bawk vak a luh ngai chi ania, “Ka lut hmasa ber anga nang niin min lo zui dawn nia”, ka han ti te te a, ka in rawlh leng thei hram. Midang pawh an rawn lut kim ta. Tawng thu chhe lo ah mipui rawn tlan pheiin min chil hrep lo kha kan vannei ngawt mai! Stadium hi a len em avangin kan thut na tur kan zawn chhung pawh rei tak ani,vanneih a siam in inkhel pawh an lo tan tlai hret a, lower tier a thu tur kan nih avangin, stadium kan lut chiah a, light lo eng pup mai te leh mipui sing tel lo au hum hum mai te, tin Argentina flag lo in zar pharh duai duai mai te, “Messi Messi Messi” ti a au ri kan hriat leh hmuh zawng zawng te kha mumang ang mai ni hian ka hria, hnuk te pawh a ulh lek lek nia!

Messi ngei mai chu!

                   Inkhel an tan hun tak kha ka chiang chiah tawh lo, ka a vek tawh a ni ber mai! An khelh dan kimchang chu sawi a ngai lem lovin ka hria. Players thenkhat ka hmuhda n ka han sawi mai mai teh ang. Higuain duh aiin a che muang hret, Messi chu a awmna mumal hriat a har, a tlan kual sek a chak em em leh ta nghal a. Aguero hi rin aiin a lo te a,mahse kan tawngkam takin phit tak a ni. A bak chu in hriat vek tawh kha TV ah a chiang zawk. A tak ah chuan commentator an awm ve si lova,a hmuhnawm loh! 🙂

Argentina 1-0 Venezuela

WENGER: THE ENIGMA – Mazualtea

Scapegoat?

                    I’ve never been much of a writer. If I were, most of my articles in the summer would be bashing Arsene Wenger. Not because he sold the only left-back with experience we had, not because he allowed a certain player to leave because he’s addicted to money and no, not because he sold our captain (the best by far in his position if stats are anything to go by) at half his market value to a club that has been a pain in our side for far too long. No, I would’ve asked, nay, demanded to know why a war chest worth millions of pounds is allowed to rot away while the fans are fed with junks. Every year, the fans are treated to the ‘news’ of how much kitty is in the war bag. Then the transfer seasons come and go year after year after year without any real quality signing. This has gone on for far too long that its almost like Arsenal doesn’t have a transfer period in its calendar.

                     Then the 8-2 game happened! And we all know what happened next! Wenger flew all over Europe trying to lure players to a team that just allowed 8 goals to slip through them in one match and he had three days left to do that. The fans have been asking for a signing all summer, and the summer before that, and the summer before that, and the summer before that, and the summer before that! Now does it really have to  take a HUMILIATING beating, by a club that somehow always taste bitter in my mouth,  to deflate a big ego (some call it stubbornness, I prefer ego!)?? Granted he still managed to find four good players but why were they not bought in the summer when the team would have the time to gel. There probably won’t be an 8-2 if the players we bought AFTER the game were playing IN that match.

                      That leaves me to the question that I really want to ask. If Wenger really is the egoist that I think him to be, then why is he breaking all his principles?  The Board has always maintained that there’s money but has never really forced Wenger to buy. Why? Why would Wenger preach against huge spendings and then do exactly that? Kinda makes a guy think that Wenger’s the scapegoat and money has never really been handed to his hand. What thinks you?

P.s: Personally, guilty until proven innocent still works for me :p

Arsenal, Tiam tlat e! – Emmanuel Ralte

             

              1994 World Cup lai khan ka pu, ka nu cousin Pu Jonah (Vartian neitupa) hian World Cup fixture leh thlirlawkna hi a bu in a siam a, chu chu ka u nen inhlawh nan kan hmang a kan zuar thin a. Naupan tet atanga football tui ka nih avangin World Cup pawh chu thenawm te inah an TV on chang changin kan va en ve thin a. Inkhel kan enna thin te khan Italy an tan em em a, kei in Brazil ka tan si, a tawp ah final ah an la intum zui! Chutah Brazil penalty ah an chak hlauh. Mahse duh angin kan celebrate ngam lova, kan en na thin te khan min velh kan hlau bawk si. Ka thianpa, in neitu te fapa Italy tan lutuk an chak leh si lo chu a tap vak nghe nghe. Hemi kum World Cup atang hian ka hmangaih em em ARSENAL F.C chu ka lo hmelhriat tan ta.

               Italy leh Republic of Ireland an intum a, an en thap a. Chutah chuan Ireland lamah midfielder Eddie McGoldrick tih hi a awm a. An club khelhna te an han sawi a, chutah chuan Arsenal tih hi an rawn sawi ta! Ka beng a verh nghal chat mai. Nalh hi ka ti em em mai a, Ireland pawh chu ka tan phah ta a. Ireland lah chuan Italy chu an hneh hlauh lehnghal a. Ka rilruah Arsenal tih mawlh chu a cham reng. England a Club pakhat a ni tih chu ka hria a, mahse chu mi bak  chu Arsenal F.C chanchin engmah ka hre lo. Ka tan nghal bur hi a ni mai.

               Premier League 1994-95 season chu en ngei ka tum ta. Arsenal inkhel mawlh chu ka en chak a, engamah hma chuan ka tan em em ringawt a. Mahse mahni in a TV nei ta lo chu chuti mai chuan a en theih bawk si lo. Vanneihthlak takin Manchester City nen an inkhel kan en fuh ta hlauh mai. 3-0 in Arsenal chu an chak a, engamah hma in ka lawm nghal hle a. An keeper hmuihmul nei chhap mai Seaman chu pa hi kan ti em em mai khawp a, tin, striker Wright leh Dickov te chu ka ngaisang nghal hle. Regular a en thei lo ta na na na chu kan tawng pawng tan nghal ringawt a. An history leh tute nge an player te pawh hre mumal lo chuan ’94 kum atang chuan Gooner ruh tak ka lo ni ta der mai!

               School te kan han kal a, Arsenal chu sipai ten an ralthuam te dahthatna hmun a ni tih te kan han zir chhova, Arsenal tih ringawt pawh chu pa hliah hliah hian ka hria a. A kohhran ang zawng pawhin Sipai Pawl kan lo ni bawk si, midang zawng ai hian inhmeh bik hian ka inhria a, ka nghet nghal bur mai a. Mahse regular a an inkhel kan en thei loh avangin han sawi tur em em pawh chu kan hre ngai chuang lo. 1994-95 season chu an zo a, kan hriat theih chu 12na an ni tih chu a ni leh tawp. Ka player hmelhriat ve chhun te chu Seaman, Adams, Schwarz, Merson, Dickov, Wright leh Eddie McGoldrick te kha an ni tawp mai a, McGoldrick tih loh hi chu an hmingpum pawh ka hre chuang lo. First 11 ho hming takngial pawh hre kim lo chuan Arsenal F.C chu ka tan nghal bur tihna a nih ber chu.

               Mahni t-shirt velah te mahni thiam ang tawk tawkin kan han ziak rang ve a, thian thenkhat in enge Arsenal F.C chu tih pawh hre hawt lo chuan ka chhut vangin an lo chhu ve leh ringawt a. Tun thleng hian an la Gooner ruh ve hle a, a lo tha phian a. Hmun hrang hrangah kan pem kual a, thingtlang ah daih te kan han awm leh lawp lawp a, TV en theih loh na hmun ah te kan awm avangin kum pumhlum deuhthaw TV en mumal lo ten kan han awm leh a. 1996 alo ni a, Aizawl ah ka pa an sawn ta hlauh mai. Keini ang tan chuan inkhel en chance a ni ta. Ka lawm hle a. Regular lutuk pawhin kan en thei chuang  lo, mahse thlakhat a vawi khat en theih ringawt te pawh kan lawm hle a. 1996 kum hian Arsenal chuan manager thar an nei tih kan hria , chutih lai chuan Manager leh Coach pawh kan hre hrang lo. Arsenal manager thar chu Arsene Wenger a ni tih ka han hriat chuan Arsene tih lai chuan a ti Arsenal hle in ka hria a, Arsenal tih leh Arsene tih chu a inang bawk sia, a inhmeh hi ka ti hle mai. Arsenal ti Arsenal tu niin Arsene Wenger chu ka hria a, a mimal tak pawh in ka tan hle a ni.

               Kum 17 chhung Arsenal ka tan tawh chhung hian player ropui tak tak leh tha tak tak te kan club ah hian an lo khel tawh thin a. An inkhel hi a English game lo hle a, passing an thiam in tunhma deuh te phei kha chuan khawvela counter attack thiam leh na ber team te pawh an lo ti thin a. Kan undefeated season phei kha chu kei ni ang chuan engtikah mah kan theihnghilh tawh lovang. Arsenal ka tan chhung zawnga ka hun tawn tawh ropui ber a ni. Arsenal ka tan em avang hian ka best friend nen pawh kan insual lek lek zel a, a ni Manchester United supporter alo ni khanglang bawk nen. Thian dang te leh hmelhriat thenkhat te nen pawh Arsenal ka tan luat tuk vang hian han in paih nawk nawk chang kan ngah thei khawp mai. Tin, ka tan em avang hian ka Gooner pui kan club chetchhiat changa sawisel vak mai chi te hi ka ngaithei lo hle a, thin in a tawrh loh chang te hi a awm ve leh zeuh zel. Thinchhiat an reh deuh hnu pawh hian insum har deuh chang hi a awm leh thut zel.

               Season 6 ngawt mai han nil chu thil hrehawm tak ani ngei mai keini ang tan chuan! Mahse ‘Once Gooner, always a Gooner’ tih hi ka thupui a nih avangin engang pawhin kan club an chechhia a ni emaw, an che tha emaw ka tan reng dawn a, tin, ka tan em avang hian ka sawisel ve phal thlawt lo han thinrim deuh chang pawh hian. Kan tan ta sa sa a, thih thlengin rinawm in kan awm ang chu le.

               A kuhmum hi a par chhuak tep tawh a nia. Ka Gooner pui te zawng zawng kha i nghak hram hram ang u. I LOVE MY ARSENAL AND GOONER TILL I DIE.

UEFA Financial Fair Play – Zara Tlau

             

                June 1, 2011-12 season atang khan Uefa chuan Financial Fair Play (FFP) chu a hmang tan ta. Tunlai European football a player te hlawh leh transfer fee a sum chelek nasat lutuk avanga rulh sen hleih theih loh khawp a leiba ngah club tam tak te an lo awm tak avang te, club neitu hausa tak tak ten club a sum tam tak an pawngpaw chhun luh thin khap daih nan leh Europe club hrang hrang te an in khai rual theih zawkna a nih beisei in FFP hi chhawp chhuah a ni. Uefa chuan FFP ti hlawhtling tur hian Jean-Luc Dehaene, former Prime Minister of Belgium kaihhruaina hnuai ah Club Financial Control Panel chu club hrang hrang te account en dik tur leh a tul anga action la turin a din nghal bawk.

Spend it, Arsene! – Liansangpuia Ralte

                                Player kan lei man to ber a la ni reng dawn em ni?

                Kum 1998 khan TV ah Arsenal inkhel ka en a. JVC tih an hak lai, Ray Parlour te hunlai khan kan en fuh pek a. Tun thleng hian Arsenal tan em em ringawt tu ka ni ta mai a, a tan reng bawk ang. Arsene Wenger hi Mizo chuan a takah hmu ila “saw saw sap” kan tih tur kha a ni a. Henry, Viera, Ljungberg  etc te hun laia manager tha ber kha a ni thin a sin. A thisen a sen bik a, a thiamna a sang bik a, pawisa hmang vak vak lo in club dang, a bik takin Man Utd nen kan in el pha reng. A nuam tawp, a thiam a ni . Highbury an hman thiam uchuak zia te kha, a zawn a vawi 49 hnehloh an neih loh te kha a nuam ve a nia aw. Mahse hun a liam zel a, thil hi a ngai reng in a kal thei si lo.

Ka Arsenal Hringnun – Thanliana (Arsene Thana)

                  Football hi ka tet te atangin ka ngaina a,ka khel nasa bawk a. Mahse club inkhel tih vel hi cu ka en ngailo hrim hrim. 1998 (world cup) atang khan football cu ka en ve tan a. Brazil hi ka tan ve em em mai ringawt a, world cup zawh hnu kha chuan ka en chhunzawm tawh chuang lem lo, EURO vel tih loh kha chu. Henry hi ka players tan loh ber te zing ami a ni thei om e khang hun lai kha chuan. 

In Arsene I Trust – Emmanuel Ralte

Arsenal enkawl tur hian amah aia tha tunge awm chuang?

                 Kum 15 chhung zet Arsenal manager ni a, Arsenal F.C history a manager ni rei ber record siam khawp a manager ropui, tha leh rinawm, kan pu Arsene Wenger kan nei hi a lawmawm khawp mai. Ama mimal history kan hre theuh anga, football player a nih lai chuan player ropui tak chu a ni hauh lo, mahse manager ropui tak a ni tih chu kan club supporters chauh ni lo, club dang fans te pawhin an hrechiang hle awm e.

Wenger-a policy ka ngaihdan – Axama Hnamte

Amah pawh hian min chhuah san a hun tawh em?

                      Kan hriat theuh angin Arsenal chuan ‘catch them young’ policy chu kal pui in rawlthar tha tak tak an academy ah hrual chhuak in tuna kan hmuh theih chinah Wilshire leh a dang tam tak awm mahse, ngatinge kan player tha kan neih sa hi kan chan zel thin tih hi chhut tham tak omin ka hria.

Carl Jenkinson – Mike H Tlau

                                                        

                     2010-2011 season a tawp a. Player lei a hun a. Player kan lei hmasakber chu kum 19 mi Carl Jenkinson ani. Charlton ah kum 8 anih atangin a awm tawh a. Contract pawtsei tura an dawr chu a tetlai atanga an chhungkua in club an tan tawh Arsenal sawmna chu a hnawl phal ta lo ani ber mai. Charlton hotute pawhin an demlo, an hriatthiampui mahse an ui hle!