2010-2011 season a tawp a. Player lei a hun a. Player kan lei hmasakber chu kum 19 mi Carl Jenkinson ani. Charlton ah kum 8 anih atangin a awm tawh a. Contract pawtsei tura an dawr chu a tetlai atanga an chhungkua in club an tan tawh Arsenal sawmna chu a hnawl phal ta lo ani ber mai. Charlton hotute pawhin an demlo, an hriatthiampui mahse an ui hle!
Carl Jenkinson hian England junior team leh Finland junior team tan a lo inlan tawh thin a. A pa hi English ani a, a nu hi Finn ani thung. Tunah hian senior level ah Finland tan khelh a thlang nia sawi a awm bawk. Right footer niin Right Back a khel ber a. Central defense ah a khel thei bawk. Ball a tlanpui nasa a, set piece ah a tha bawk. Amah hi ft 6’1 a sang ani.
Arsenal ah Bacary Sagna leh Emanuel Eboue te upa lam anlo ni taa. Kum 28 an tlin takah chuan la tha hle mahse midang club in a melh a ngai ve ta. Youth zingah hian right back tha kan neihloh vang pawh ani ang. Justin Hoyte, Middlesboro a chhuak ta hnuah khan right back mumal kan neilo. Left back hi chu nei tha thei ber kan niawm e. Season hmasa khan Europe a right back beiseiawmber nia sawi Dinamo Zagreb def Sime Vrsaljko kha Arsenal hotuten an bia a. Amaherawhchu, a man an chhiar to deuh avangin thuthlukna an siam thei ta lo a ang hle. Hei hi Jenkinson atan chuan vanneihthlak a ni hlauh thung.
Jenkinson hi Reserve ah emaw loan a chhuah tir phawt a nih rin ani a. Mahse, pre-season performance khan a hmalam hun a hril ang. Beiseina sang tak nen lo thlir phawt teh ang u.
arsenalmizoram 