Hetia Arsenal a chhuahsan dawn ta tak tak ni a a lan takah chuan, a chanchin kan sawi khat tawh dawn em a tiin Nicklas Bendtner chungchanga ka ngaihdan tlem te hi ka han sawi ve leh lawk teh ang. Over confident, thatchhia, tawng tam, mahni insawi ang he hu ni lo, a pet goal loh pawha pawi ti lo tih te pawh a hlawh a,a dikna lai a tam. Mahse, heti chung hian, statistics ngawr ngawr kan en chuan, tuna Arsenal a kan striker neih ah chuan a tha ber dawttu a ni ka ti ve tlat .
6ft 5in a sang, Bendtner hi striker tha chungchuang a ni ka ti hauh lo. Chutih rualin winger a ni lova,wing a tlan chi a ni lo ka ti ngam ve sak bawk. ‘Finished product’ kan tih ang hi a la ni lova, potential ngah tak, a rilru put hmang, a finishing leh a first touch a improve phawt chuan striker tha tak a ni ang tih hi ka ring tlat. Hemi tur hian hun tam tak a la nei,tun kum January khan kum 23 a tling ve chauh a ni.
Nicky B hian Plan B,kan formation hman lai atang hian min neih tir a, amah aia kum 4 a upa Chamakh ai chuan nakin zel ah pawh kan tangkaipui ngei ang, Wenger hian Plan B a nei lo/hmang lo erawh chu thu dang ni se. Tuna kan striker rin rawl ber leh tha ber RVP nena an statistics(source: arsenal.com leh wikipedia) hi a hnuai mi ang hi a ni a( + tih hi substitute anga an luhna zat,2006-07 ah hian NB52 hi Birmingham ah loan in a awm a, substitute anga a luhna statistics ka hmu mai lo) :
Ap Goals
2005-2006 (NB52) 0+3 0
(RVP) 21+17 11
2006–2007 (NB52) 48 13
(RVP) 25+6 13
2007-2008 (NB52) 7+23 9
(RVP) 20+3 9
2008-2009 (NB52) 27+23 15
(RVP) 38+6 20
2009-2010 (NB52) 21+10 12
(RVP) 18+2 10
2010-2011 (NB52) 14+18 9
(RVP) 26+7 22
Totals(Arsenal) (NB52) 79+77 45 (excluding 2006-07)
(RVP) 166+64 95
Arsenal tana an khelh zat leh chung zing a an start(1st eleven) zat kan en chuan chuti em em a chhe bik a ni chuan ka hre lo. Tin, RVP hi a khelh hian kan rin rawl ber a ni a,line hma hruaitu ah kan hmang thin. NB52 erawh hi chu kan hriat angin right wing lamah tlan tir thin a nih fo hi. RVP nen chuan teh khin rual an ni lo,mahse mi tam tak sawisel ang em em a chhia a ni bik lo ni a ka hriat avangin ka han tarlang ve mai a nia.Club dangah hralh lovin loan in chhuak se ka ti khop mai,mahse amah pawhin a duh kher lovang. Tun atanga kum 2 kum 3 velah hian a nih tur ang tak a nih chauh ka ring.
Tam tak(in za vai pawh a ni maithei) in ka ngaihdan hi min tawmpui lo thei, mahse ka han tarlang ve duh hrim hrim a ni e. Ka sawi tawh angin hmasawn ngaihna tam tak chu a la nei, mahse amahin a zir phawt chuan striker tha tak a la nih ngei ka ring a, chu mi ni tur chuan ka article thai ran ve te atang hian ka duhsakna sang ber ka hlan bawk e. Wikipedia a ama chanchin a thu inziak hian ka han khar teh ang:
” Known for his extreme self-confidence, Bendtner once received a confidence rating that exceeded the scale in a test carried by an Arsenal psychologist” 🙂