History, Tradition, Class
Arsenal chuan a kum 125 na a thleng ta! He kum 125 na thlen dawn hnaih hi rollercoaster chuang kan ang hle mai. 1996 atanga Arsene Wenger in min enkawlna bik te hi thlurbing ta ila.
1996 khan George Graham thlak turin Arsene Wenger ruat a ni a.Mi hriathlawhlo tak leh Japanese League daih atanga lakluh chu mi te mak tih a tling.English top flight football ah British nilo lawmman la hmasaber a rawn ni nghe nghe.Gerard Houllier,Claudia Ranieri te nen English ni lo ah chuan chona lian tak hmachhawn ngam hmasa an ni football atchilhna ram England ah hian.
Arsene Wenger hian player tha tak tak ni si, an club awmna in a zirloh avanga tha chhuak theilo te chu a hmu hmaih biklo.Arsenal a football culture awmsa chu her danglam hret hret a tum ta a.He mi kawngah hian captain rothap Tony Adams ngei pawh a ti thinrim.Tony hian a hnua a hriatthiam chiah chuan khawvela defender tha ber te zingami a ni der mai.Monaco lama a enkawl tawh Thierry Henry kha Juventus atangin a lalet a.Dennis Bergkamp kha Inter Milan atangin.Patrick Vieira kha AC Milan atangin.Experience neihna turin Arsenal a player lo awmsa te bakah Japan lama a enkawl thin Remi Garde (tuna Lyon coach ni ta hi) a lalut bawk a.Heti hian Arsenal chu a enkawl chho ta chu ani a.Player senior,experience nei te leh khatih hunlaia naupang beiseiawm tak tak te a enkawl ta tihna anih chu.
1997-98 season ah chuan Arsenal chu league ah a champion pui thei mai.English mi nilo he chawimawina dawng hmasaber a ni nghe nghe.Hei hian English football a harsat zia a tilang.4-4-2 formation leh defender tha tak tak nen he chawimawina hi a la thei a ni.He formation hi hmang chho zelin midfield ah player nghet tak (Parlour,Vieira,Gilberto Silva) a dah tel thin.Forward 2 te ah hian pakhat zawk hi supply tu ah hmangin pakhat zawk hi goal thuntu angin a hmang mai thin.Arsenal tlar hmalamah hian ball thiam tak nih a ngai thin.
2003-04 season khan Arsenal te chuan chakloh nei lovin season an champion a.’Invincibles’ chu Wenger hian a din ani.Goal thuntupa Henry chuan goal 30 chuang a thun a,Pires pawhin goal 14 a nei.Goalkeeper tha Jens Lehmann kha a lei fuh ber chu a ni.He squad atang hian player te an chhuak zel a.Tuna player te hi a thar an ni vek tawh.Patrick Vieira,Thierry Henry,Robert Pires leh defenders te thlaktu kha tun thlengin zawn mek a la ni.
Tun kum 3/4 kalta kha han en ila.Player lut leh chhuak te hi an nghet tawklo hle niin a lang Arsenal ah hian.An nghehlohna chhan anga lang thei te chu chi hrang hrang a awm thei ang.Heng zinga pakhat chu English club lian te mi hausa in an lei a,sum an hman uchuak te hi a ni thei awm e.Player te vanglai a reilo,pension an neilo.An khelh chhung reilotea sum hailuh leh chawimawina dawn te a ni an duh ber chu.Hetiang anih hian player tam tak te an nghehloh phah.Arsenal ah pawh Wenger chuan hai biklo.Amaherawhchu ‘philosophy’ a kalpui a.Arsenal ah culture a siam a,amah ngeiin a bawhpelhlo a ni.
Arsene Wenger philosophy hi mi tam takin an sawisel a.Amah hian a bengkhawnlo.Heti chung hian ‘Manager of the Decade’ ah thlan a ni lawi si.A duhtu tamzawk mahse a sawichhetu te an au ring zawk tihna a ni thei ang.Arsene Wenger hi a tawng tamlo.Transfer hunlai pawhin a ka a ang tamlo.Hei hi 1996 atanga tun thlenga Arsene Wenger a ni.
4-4-2 formation atangin 4-3-3 a rawn hmang a.He formation hian Fabregas a rawn parchhuah tir ngei mai.Arsenal te midfield thatzia hria in 4-3-3 hian a rawn phochhuak tha hle mai.He formation hian game hmuhnawm a entir nasa leh zual a, trophy erawh a chawi tir lemlo.Inhliam leh experience neih tlem hian he formation tha teuh tak hi a remlo a ang.Arsene Wenger hian player neih teuh a,hman senloh ai chuan squad limit tak leh khelhna hmun pek vek leh develop te a duh thin a ang.
Arsene Wenger hian player a lei to te chu Jose Antonio Reyes (Sevilla atangin),Andrey Arhavin (Zenit atangin),Samir Nasri (Marseille atangin) an ni a.Heng te hian 17 million pawh an la phalo.Arsenal club elpui te nena khaikhin chuan a mak hranpa zawk a ni.Player hralhchhuah te erawh an lakluhna man aia sang,a let deuh tho te pawh an ni hlawm.Heti chung hian inelna lian ber ber ah a chetthatpui in stadium thar an nei thei.
Tunlai football kan en chuan sum in thil a tih theih zia te kan hmu theuh ang.Footballer tha chu a man a to a,a daih rei bawk.Arsenal player tlawm tak tak te hi thiam mahse a tawp an daih thinlo.Inhliam te hi dawlzo tur chuan player manto te chu mamawh an ni.Arsenal hian ‘Financial Fair Play’ hman hma hun hnuhnungah hian player manto a lei ve ang ngem tih an inrinsiak a.17 miilion pounds chauh pawhin player lei mahse Arsenal tan chuan record thar a ni dawn.Heti chunga che chhe tak tak ngailo Arsenal hi mi zawng zawng ngaihsan ber nilo mahse an ngainep theilo a, a thianglo!
2011-12 season hi Arsenal tan a kum 125 na a ni dawn a.Tun hnaia Arsene Wenger hnuaia chauh lai tak hi kaihthoh in kan awm ang.Player te ah pawh hian danglamna a awm.Kum dang aiin ‘bik’ nihna a awm ngei ang.Player awm te pawh hi club tana rinawm tak tak te an ni ang.Player rinawmloh te chu Arsenal ah hian cham zel pawh nuamlo khawpin kum danglam a inherchhuak ngei ang.Sap thufingin ‘Rome wasn’t built in a day’ a tih ang khan vawi leh khata danglam thut turah ngailo ila.Thildanglam chu a tha zawngin a thleng turah chuan ngaih a him ber ang.In Arsenal I Trust!!
arsenalmizoram 