Football hrim hrim hi ’94 World Cup atang khan chiang deuh cuan ka en ve hman a.’90 World Cup pawh ka hre ve hman ruai ruai a. Lothar Matthias, Rudi Voller, Andres Brehme (final a penalty chakna goal pet goal tu), final a Maradona chak lo tap pur lai te ho kha chu ka la mitthla thei. ’94 World Cup erawh ka chiang ve hle toh. Roberto Baggio, Bebeto, Romario te ho khan World Cup hmuhnawm tak min entir a nih kha. ’98 World Cup zawh hnu lam khan club football hi ka en tran ve deuh chauh a.
Khatih hun lai khan Man Utd ho hi an lar hle tih poh ka hria. David Beckham a vanglai rawn in her chhuah hun lai vel kha a ni bok a, amaherawhchu an lar vang hrim hrim khan ka tran lo nghal em em ringot mai a. Arsenal hi chutiang lai chuan ka la hre lem lo. EPL highlight ah Arsenal leh Man Utd Higbury a an intum ka en fuh hlauh mai a. Man Utd ka tan loh hrim hrim avang khan Arsenal kha ka pawng paw tran satliah ve ringot a, kha mi hun lai khan Arsenal kha double champion, League leh Cup champ lai an lo ni a (chu pawh chu a hnu ah ka hre ve chauh). An player pawh ka la hre em em chuang lo. Chumi tum chuan 3-0 ngawt maiin Arsenal an chak zui lehnghal a. Tony Adams a head goal leh Ljungberg pet goal tih pawh ka la hria, pakhat dang kha ka hre chhuak zo ta lo. Kha ta tang kha cuan ka club tran loh ber mai sawp nektu na na na kha chu le, Arsenal chu ka tan ta hle mai a.
An inkhel puitling tak a ka en hmasak ber chu Liverpool nen Anfield ah an intum tum in a ni a. Hetah hian goal om lovin an in draw nghe nghe. Heta tang hi chuan an player te ka hre ve ta deuh. A vawi khat inkhel ka hmuhna a ni bawk a, rawlthawr duhawm Nicolas Anelka thiam ka ti hle mai. Bergkamp skill nen an strike combination fuh lutuk chuan mit an ti tlei ngei mai. Wing lam ah Overmars, Ljungberg te ho in chak tak tak in ball an tlan luh pui fua fua lai te kha a va turu chungchuang em. Central midfiled lam ah Vieira leh Petit te ho in ro an rel hneh bawk si. An hnung lam ah ‘Arsenal Famous back four’ Adams, Keown, Winterburn, Lee Dixon te ho lah ‘rock solid’ an tih ang maiin goal an veng hneh bawk si. An si ban nghak David Seaman lah rinawm tlut bawk. An combi kha a fuh em em vek a ni ringawt mai. Hemi season hian Man Utd ho nen title inchuh in season tluan kan in um chho zak zak a, last match thlengin chak zawk tur a la decide theih loh. A tawpah vanduai zawkah tangin Man United hi point 1 lekin kan um pha ta lova. Kan champion title chu min chhuh let sak leh ta. Rilru a va na ngaih ngaih em. Bialnu then ai pawhin a na lo zawk chuang lo 🙂
Heta tang hian Arsenal inkhel hi ka miss ngai ta meuh lo. Zanlai inkhel pawh ni se, EPL emaw, FA cup a ni emaw, UCL pawh ni se mahni chauh pawhin ka en zat zat peih. An chak tum cuan tui takin min mut tir a, an chak loh erawh chuan a tuk thleng hian rilru ngui burin hun min hman tir thin. Ka khawvel nun hi an chawk danglam ni ber hian ka hre thin (kan star ruk deuhte rilrua kan vei veng veng ang mai hian ka thinlung ah hian ka vei veng veng ni ber in ka hria)
Chutah kan han champ lo leh deuh ta vang vang a. 2001-02 season a lo thlen meuh cuan Henry, Pires, Wiltord te ho vanglai a ron in tan chho ve leh ta chiah mai. Defence lam ah Campbell kan nei thar ta bawk a. “The Invincible Team” a lo piang ta. French trio combi hlauhom lutuk chu tuma dal zawh chi ni ta hek lo le. Saipui kal lai chu ui bauh mai mai cuan an ti ding zo lo chiang kher mai. Season tluan in hneh loh nei miah lovin chiang fahran in kan han champ zui leh ta. FA Cup te nen la kawp in double champion te kan han ni leh ta hem mai chu(h), a nawm hian a nuam veng veng mai a ni (bialnu fawh vawng2 tluk hial te poh a ni ta ve ang 🙂
Chak loh nei lova kan kal tluang lai ka club huat ber mai Man United ber kher in Rooney phakar luat ah min han tih tawp sak te kha a va na ngawih ngawih tak em!!! Mahse, phuba la in FA Cup final ah United ho chu kan hneh let ve leh sak tho kha maw.
E khai a thui lutuk dawn.. tunhnai thil thleng chu kan hre tlang deuh vek bawk a.. sawi thui vak tawh lo mai ang … ‘Once a Gooner, be a Gooner 4ever’
arsenalmizoram 