Ready to leave?
Tun transfer chu ‘Financial Fair Play’ hman hmaa in lei theih hnuhnung ber ani dawn ta si a, club tin in sum an hman hnem a rinawm. Hei vang hian club ten an player tha te an chhuah dawn chuan manto deuh hlekin hralh an tum theuh a rinawm. Hei vang hi ani mahna Cesc pawh chhuak tur tho tho (anga rin theih) chu man to taka chhuah tir an tum. Arsenal hian Barca in Cesc an duh tih an hre reng a, Cesc ngei pawhin a duh. Season kalta han en chuan Cesc man chu a tlahniam ngei mai.Tunah tak phei chuan 25-30 million inkar vel ani thei ang a hlutna hi.Mahse 30 plus a hralh an la tum tlat Arsenal hian. Barca duh zia leh Barca a luh a duh zia an hre ve tlat. Cesc a chhuah phawt chuan a hmun ruak awh thei ber chu Nasri bak an awm lo, Ramsey hi back-up ah. Hei baka tha an awm lo.Team a inbengbel sa an ni a. Nasri pawh France play-maker,an innghahna ani a. Cesc chu club in nghahna ni mahse Spain inn ghahna a la ni lo. Nasri hian Cesc a theih ang hi a theih lohna tur bik a awmlo. Arsenal tan chuan Wilshere tha hi a hlu lutuk tlat! Dil loh malsawmna ani mai.
Goalkeeper lam en ta ila. Szczesny lo tha chho hi a thatna leh buaithlakna a awm. A thatna chu keeper ban sei tak, ball man nghet, huaisen leh rinawm tur,hun rei daih tur kan hmu ta. A buaithlakna chu Trophy 4 lai kan um chuan a la rintlak ngawt ang ngem tih hi a ni. Keeper tha dang lei dawn in Szczesny hmasawnna hi a dal ang tih chu a hlauhawm bawk sia. Engpawh chu nise, Szcsesny ah hian ‘risk’ kan lak ngam a ngai. Almunia hi chhuak mahse a uihawm loh,awm mahse a hnawksak lo.Mannone hian chance a inbeiseiloh chuan a chhuak ngei ang. Fabianski erawh a awm ang, mahse Szczesny nen hnam khat an nih hi a thalo tihna ka nei. Arsenal a 1st choice zawk zawk hi Poland 1st an ni mai thin hian inelna thalo a thlen ka hlau thin. Reserve keeper Jamses Shea chu kan 3rd keeper nilo mahse loan in a chhuah a hun. Emi Martinez hian reserve tan a khelh a rinawm tawh. Keeper chu ‘risk’ lak ngam chuan a hlauhthawnawloh in ka hria.Mahse,’risk’ kan la ngam ang ngem?
Defenders lam chu sawi nawn ngai lovin kan mamawh ber ani! Centre back pakhat tha tak kan neih theih erawh chuan kan buaina chu a siamthat ani thei ang. Duhthusam chuan pahnih ani.Mahse,class tak pakhat pawh kan thatpui thei. LB lam erawh sawi mai a harsa.
Midfield lamah defensive lam kan hlauthawng thin. Song awmloh kan tuar ziah! Hei hi chu Wenger in a hriat chian ber ka ring. Djourou pawh hi defensive midfielder a nih kha hria ila. Vei lam hi kan duh khawp lo. Mahse Arsenal inkhel hi midfield ah a innghat tam a. Chuvangin sum kan hman ngamna pawh midfield anih hi. Tun tum pawh hmang tam turah in ngai ila a tha awm e.
Forward lam chu Van Persie ah kan innghat nasa a. A ni ang mi rinawm leh football hmangaih leh thiam hi kan hmuh theih ka beisei.Player pakhat goal thun tur chu kan lei ngei ang. A man pawh a tlawm lovang.
Arsenal team hi a la chhe lo a. Siam that ngai tlem awm hi siam a ngai ani. Sum hman tam hun a ni ve tawh a. Hman pawh a tam ngei ang. 7 vel chhuak in 7 vel lai pawh an lo lut mahna.Season leh atang chuan hetiang hian sum che lek a awm tawh lovang. Arsenal hi leiba nei lo, kum tina sum lalut hnem ve tak kan ni tih hria ila.I thlaphang lovang. Rinawm taka lo awm hi kan tih theih awm chhun chu ani.Chauh lai leh bawrhsawm lai pawh nise, Gooners ruh nih i hreh lovang. Club dang te aiin kan kalhmang hi a dik si. Hei hi chu in hrilh ngai lovin kan hre vek.Kan vannei chungchuang.
arsenalmizoram 